இலங்கை அரசியலில் ‘பண்டாரநாயக்கா’ என்ற பெயர் ஒரு தவிர்க்க முடியாத சக்தி

இலங்கை அரசியலில் ‘பண்டாரநாயக்கா’ என்ற பெயர் ஒரு தவிர்க்க முடியாத சக்தியாக இருந்தாலும், அந்தப் பெயருக்குப் பின்னால் உள்ள வம்சாவளி மற்றும் அரசியல் நகர்வுகள் பல கசப்பான உண்மைகளைக் கொண்டவை.

பண்டாரநாயக்கா குடும்பத்தின் வேர்கள் இலங்கையைச் சேர்ந்தவை அல்ல; அவை தென்னிந்தியாவின் தமிழ்நாட்டைச் சேர்ந்தவை.

15-ஆம் அல்லது 16-ஆம் நூற்றாண்டில் தமிழ்நாட்டின் நீலகிரிப் பகுதியிலிருந்து “நீலப்பெருமாள்” (Nilaperumal) என்ற பெயருடைய தமிழர் இலங்கைக்குக் குடிபெயர்ந்தார்.

இவர் நவமுவ பத்தினி தேவாலயத்தின் தலைமைப் பூசாரியாகப் பணியாற்றினார்.

அவரது வம்சாவளியினர் ‘நாயக்கர்’ பட்டத்தைச் சூடிக்கொண்டனர். காலப்போக்கில், அது சிங்கள கலாச்சாரத்திற்கு ஏற்ப ‘பண்டாரநாயக்கா’ (Bandara-Nayake) என மாற்றப்பட்டது.ஆனால் இவர்களுக்கும் கண்டி நாயக்கர்களுக்கும் எதுவித தொடர்பும் கிடையாது.

இவர்கள் போர்த்துகீசிய மற்றும் டச்சு ஆட்சியாளர்களின் கீழ் செல்வாக்கு பெற்றபோது, தங்களின் பெயர்களுடன் ‘டயஸ்’ (Dias) போன்ற ஐரோப்பியப் பெயர்களையும் இணைத்துக் கொண்டனர்.

பண்டாரநாயக்காவின் தந்தை, Sir சாலமன் டயஸ் பண்டாரநாயக்கா, ஆங்கிலேயர்களுக்கு மிகவும் விசுவாசமாக இருந்தவர். ஆங்கிலேய ஆளுநரின் ‘Native Aide-de-Camp’ ஆகவும், ‘மகா முதலியார்’ (Maha Mudaliyar) ஆகவும் உயர்ந்த பதவிகளை வகித்தார்.

இலங்கை வரலாற்றில் பண்டாரநாயக்கா குடும்பம் என்பது வெறும் அரசியல் குடும்பம் மட்டுமல்ல, அது பிரிட்டிஷ் காலனித்துவ ஆட்சியில் வேரூன்றி, அவர்களின் விசுவாசிகளாக இருந்து அளவற்ற சலுகைகளைப் பெற்ற ஒரு அதிகார குடும்பம்.

பண்டாரநாயக்கா குடும்பத்தினர் பிரிட்டிஷ் பேரரசுக்கு மிகவும் விசுவாசமானவர்களாக இருந்தனர். இதற்காக அவர்கள் பெற்ற பதவிகளும் சலுகைகளும், துரோகத்தின் மூலம் கிடைத்த அங்கீகாரங்களும் மலைக்க வைக்கின்றன.

முதலாவது டான் சாலமன் டயஸ் (Don Solomon Dias I), 1803-ல் ஹன்வெல்ல கோட்டையில் பிரிட்டிஷ் படைகளுக்கு உதவியதற்காகவும், 1818-ல் சிங்கள மக்கள் ஆங்கிலேயருக்கு எதிராக நடத்திய ஊவா கிளர்ச்சியை (Uva Rebellion) ஒடுக்குவதில் ஆங்கிலேயர் பக்கம் நின்றதற்காக கௌரவிக்கப்பட்டார்.

சாலமன் டயஸ் பண்டாரநாயக்கா (Don Solomon Dias II), ஆங்கிலேய அரசால் ஒரு சுதேச இலங்கையருக்கு வழங்கப்படும் மிக உயர்ந்த பதவியான ‘மகா முதலியார்’ (Maha Mudaliyar) ஆக நியமிக்கப்பட்டார். இவர் 33 ஆண்டுகள் இப்பதவியில் நீடித்தார்.

விக்டோரியா மகாராணியின் வைர விழாவிலும், ஏழாம் எட்வர்ட் மன்னரின் முடிசூட்டு விழாவிலும் இலங்கையின் பிரதிநிதியாகப் பங்கேற்றார். பிரிட்டிஷ் பேரரசுக்கு இவர் ஆற்றிய சேவையைப் பாராட்டி இவருக்கு Sir (Knight) பட்டமும், KCMG விருதும் வழங்கப்பட்டன.

ஆங்கிலேய ஆளுநரின் அனுமதியுடன் தனது பெயருடன் “ராஜகுமாரண” (Royal Prince) என்ற பட்டத்தைச் சேர்த்துக்கொண்டார்.

ஆங்கிலேயர்களுக்குச் செய்த உதவிகளுக்காக இக்குடும்பத்திற்கு ஆயிரக்கணக்கான ஏக்கர் நிலங்கள் தாரைவார்க்கப்பட்டன.

காலப்போக்கில் இக்குடும்பத்தின் நிலப்பரப்பு 3,000 ஏக்கருக்கும் அதிகமாக விரிவடைந்தது.

எஸ்டபிள்யூஆர்டி பண்டாரநாயக்கா (S.W.R.D. Bandaranaike) பிறப்பால் ஒரு கிறிஸ்தவர். அவரது தந்தை அவருக்குச் சிங்களம் பேசத் தடை விதித்து, வீட்டிலேயே ஆங்கில ஆசிரியர்களைக் கொண்டு பாடம் புகட்டினார். பின்னர் அவர் Oxford பல்கலைக்கழகத்தில் சட்டம் பயின்றார்.

Sir சாலமன் டயஸ் II-வின் மகனான எஸ்.டபிள்யூ.ஆர்.டி. பண்டாரநாயக்கா, இவ்வளவு பெரிய சொகுசுப் பின்னணியில் வளர்ந்தவர். ஒரு பொதுக்கூட்டத்தில், “உங்கள் தந்தை நாட்டிற்குச் செய்த சேவை என்ன?” என்று கேட்டபோது, “ஒரு புத்திசாலித்தனமான அரசியல்வாதியை (என்னை) உருவாக்கியதே அவர் செய்த சிறந்த சேவை” என்று நையாண்டியாகப் பதிலளித்தார்.

ஆங்கிலேயர் ஆட்சிக் காலம் முடிந்ததும், இலங்கையின் அதிகாரத்தைக் கைப்பற்ற மேல்தட்டு ஆங்கிலக் கலாச்சாரம் உதவாது என்பதை பண்டாரநாயக்கா உணர்ந்தார்.

அரசியலில் சிங்களவர்களின் ஆதரவைப் பெற கிறிஸ்தவ மதத்திலிருந்து பௌத்த மதத்திற்கு மாறினார்.

தன் தந்தை தீவிர பிரிட்டிஷ் விசுவாசியாக இருந்தபோதிலும், தான் ஆட்சியைப் பிடிக்க வேண்டுமானால் சாதாரண சிங்கள மக்களின் உணர்ச்சியைத் தூண்ட வேண்டும் என்பதை அவர் உணர்ந்தார்.

1951-இல் ஸ்ரீலங்கா சுதந்திரக் கட்சியை (SLFP) தொடங்கி, “சிங்களம் மட்டும்” (Sinhala Only) என்ற கோஷத்தை முன்வைத்தார். சிங்கள மொழி தெரியாத ஒருவரே, சிங்கள மக்களின் உணர்ச்சியைத் தூண்டி ஆட்சியைப் பிடிக்க இந்த ஆயுதத்தைப் பயன்படுத்தினார்.

1956-ஆம் ஆண்டு பிரதமராகப் பதவியேற்ற 24 மணி நேரத்திற்குள், சிங்கள மொழியை மட்டும் நாட்டின் ஒரே ஆட்சி மொழியாக்கும் தனிச் சிங்களச் சட்டத்தை (Sinhala Only Act) கொண்டு வந்தார்.

இதற்கு எதிராக தந்தை செல்வா தலைமையில் தமிழர்கள் அமைதியான முறையில் அறப்போர் நடத்தினர். ஆனால், அரசாங்க ஆதரவுடன் சிங்களக் காடையர்கள் அவர்கள் மீது தாக்குதல் நடத்தினர்.

1956-ல் அவர் கொண்டு வந்த தனிச் சிங்களச் சட்டம் (Sinhala Only Act), பல தசாப்தங்களாக ஒன்றாக வாழ்ந்த தமிழர்களுக்கும் சிங்களவர்களுக்கும் இடையே தீராத பகைமையை உண்டாக்கியது. 1958-ல் வெடித்த இனக்கலவரத்தால் பல்லாயிரக்கணக்கான தமிழர்கள் தங்கள் வீடுகளை இழந்து, அகதிகளாகத் தங்கள் சொந்த மண்ணிலேயே ஓட வேண்டிய அவலநிலை ஏற்பட்டது.

ஆங்கிலேயர்களிடம் ‘ராஜகுமாரண’ பட்டம் பெற்று, அவர்களின் பாதங்களில் விசுவாசமாக இருந்து சொத்து சேர்த்த ஒரு குடும்பத்தில் வந்தவர் பண்டாரநாயக்கா.

ஆனால், அதே ஆங்கிலேயர்கள் சென்ற பிறகு, அதிகாரத்தைக் தக்கவைக்க அவர் எடுத்த இனவாத ஆயுதம் இலங்கையை ரத்தக் களரியாக மாற்றியது.

தமிழர்களை இரண்டாம் தரப் பிரஜைகளாக மாற்றிய அந்தச் சட்டமே இலங்கையின் இன்றைய அனைத்துப் பொருளாதார மற்றும் அரசியல் வீழ்ச்சிக்கும் அச்சாணியாக அமைந்தது.

தமிழ் ரத்தத்தில் பிறந்து சிங்களத் தீவிரவாதம் பேசிய இவர்களின் துரோகமே ஈழ மண்ணில் ரத்த ஆறு ஓடக் காரணமானது.

ஒரு இனத்தின் அழிவு என்பது அந்நியர்களால் வருவதைக் காட்டிலும், தன் இனத்தின் அடையாளத்தைத் துறந்து எதிரியோடு கைகோர்க்கும் துரோகிகளாலேயே முழுமையடைகிறது என்பதற்கு பண்டாரநாயக்காவின் வரலாறு ஒரு கறைபடிந்த சான்று.

இன்றும் இலங்கை அனுபவித்து வரும் ஒவ்வொரு வீழ்ச்சிக்கும் பின்னணியில், அன்று இந்த “சிங்கள வேடமிட்ட தமிழன்” விதைத்த நச்சு விதையே மூல காரணமாக இருக்கிறது.